Դեկտեմբերի 3-ը համակարգչային գրաֆիկայի համաշխարհային օրն է

Դեկտեմբերի երեքին իրենց մասնագիտական տոնն են նշում (դեռ ոչ պաշտոնապես) ամբողջ աշխարհի համակարգչային գրաֆիկայի և դիզայնի մասնագետները: Այս օրը տոնելու գաղափարն առաջ է քաշվել 1998 թվականին ամերիկյան Alias ընկերության կողմից: Համակարգչային գրաֆիկայի համաշխարհային օրվա այս ամսաթվի ընտրությունը պատահական չէ. այն միակն է տարվա մեջ, որ սկսվում է սիմվոլների հետևյալ համադրությամբ. 3D — 3 December, հաղորդում է Calend.ru-ն:

Այս հետաքրքիր առաջարկն անմիջապես աջակիցներ է գտել աշխարհի բոլոր երկրների 3D-անիմատորների շրջանում: Տոնակատարություններին միացել են այնպիսի միջազգային հսկաներ, ինչպիսիք են Adobe-ը, nVidia-ն, Wacom-ը և մի շարք այլ ընկերությունները: Սկզբում 3December-ը (տոնական օրվա ևս մեկ անվանում) վերաբերում էր միայն եռաչափ պատկերների հեղինակներին, սակայն աստիաճանաբար այն ընդգրկել է նաև համակարգչային գրաֆիկայի հետ կապված բոլոր ճյուղերը: Ներկայում այս օրվա տոնակատարությունների ավանդույթը ԱՄՆ-ում և Եվրոպայում շարունակում է Autodesk ընկերությունը, որը մի քանի տարի առաջ խլել է Alias-ը: Ընկերության կողմից իրականացվող խոշոր միջոցառումները չեն սահմանափակվում միայն 3D-ամսաթվով:

Դրանք անց են կացվում դեկտեմբրի 1-ին 10-ն ընկած տասնօրյակի ընթացքում և ներառում են աշխարհի վարպետաց դասեր տարբեր անկյուններում, հետաքրքիր շնորհանդեսներ և առցանց հարցազրույցներ այս ոլորտի հայտնի անձնանց հետ: Տոնակատարություններին մասնակցությունը հնարավոր է նաև տանից, միայն թե ինտերնետի առկայության դեպքում: Վերջին տարիներին համակարգչային 3D գրաֆիկայի Համաշխարհային օրն ակտիվորեն նշվում է նաև Ռուսաստանում:

Իսկ եթե ունեք 3D-գրաֆիկայի և դիզայնի մասնագետ-ընկերներ, չմոռանաք շնորհավորել նրանց մասնագիտական տոնի կամակցությամբ: