Ռոնալդուն հակասական ցուցմունքեր է տվել բռնաբարության գործով

Պորտուգալիայի հավաքականի և «Յուվենտուսի» հարձակվող Կրիշտիանու Ռոնալդուի` 2019 թվականին ամերիկուհի Կեթրին Մայորգային բռնաբարության մեղադրանքով գործում նոր մանրամասներ են հայտնվել, հայտնում է Spiegel-ը:

Աղբյուրի փոխանցմամբ, պորտուգալացի ֆուտբոլիստը տարբեր ցուցմունքներ է տվել: Մասնավորապես, այն հարցին, թե արդյոք ենթադրյալ զոհը բարձրացրե՞լ է ձայնը կամ բղավե՞լ է, Ռոնալդուն 2009 թվականի սեպտեմբերին պատասխանել է հետևյալ կերպ. «Նա մի քանի անգամ ասել է «ոչ» և «կանգ առ»:

Իսկ այդ տարվա դեկտեմբերին ֆուտբոլիստն այդ նույն հարցին պատասխանել է հետևյալ կերպ` «ոչ»:

2009 թվականի սեպտեմբերին ֆուտբոլիստն իր ցուցմունքներում որոշ ինտիմ մանրամասներ է ներկայացրել Մայորգայի հետ սեռական ակտից, իսկ արդեն այդ տարվա դեկտեմբերին, պատասխանելով հարցերին, որոշ իրավիճակներում իրեն ներկայացրել է լավագույն կողմով:

Հիշեցնենք` ավելի վաղ 34-ամյա Մայորգան դատական հայց է ներկայացրել Ռոնալդուի դեմ` նրան մեղադրելով բռբնաբարության մեջ, որն իբրև թե կատարվել է 2009 թվականին Լաս-Վեգասում:

Հաղորդվում էր, որ 2010 թվականին աղջիկը ֆուտբոլիստի ներկայացուցիչների հետ համաձայնագիր է ստորագրել և 375 հազար դոլար ստացել լռության դիմաց: Սակայն այս տարվա սեպտեմբերին ԶԼՄ-ների միջոցով մեղադրել է ֆուտբոլիստին: Ավելի ուշ տեղեկատվություն տարածվեց նաև Ռոնալդուի 3 ենթադրյալ զոհերի մասին: