Փաշինյանը 589 մլն դոլարի ներդրումների ծրագրերի ցուցակ ցույց տվեց
Խոսում են ներդրումային ծրագրերի բացակայությունից եւ ներդրումային անորոշությունից. այդ մեղադրանքին ուզում եմ պատասխանել մի օրինակով: Այս մասին, այսօր՝ նոյեմբերի 29-ին, Գեղարքունիքի մարզի Գավառ քաղաքի հրապարակում բնակիչների հետ հանդիպման ժամանակ նշեց վարչապետի պաշտոնակատար, «Իմ քայլը» դաշինքի ցուցակը գլխավորող Նիկոլ Փաշինյանը:
«Երբ ես առաջին անգամ մտել են իմ աշխատասենյակ, ինձ ասել են, որ մի գործարար փորձում է Հայաստան ներկրել բամբակի սերմեր, որ փորձնական ցանք իրականացվի Արմավիրի մարզում եւ մաքսային մարմիններում խնդիրներ են առաջացել: Ես հետաքրքրվել եմ եւ ասել, որ թույլ տան, որ այդ սերմերը բերեն Հայաստան: Դրանից հետո այդ գործարարը կատարեց իր մտադրությունը եւ հիմա պարզվումէ այդ սերմերը սպասվածից շատ բերք են տվել: Հիմա այդ գործարարը, որ Գավառի Ծաղկազարդ գյուղից է, որոշել է իր ենց գյուղում տեքստիլի գործարան, որտեղ բամբակից թել են ստանում: Իր խոստման համաձայն այդ գործարանը կսկսի աշխատել արդեն հունվարից եւ սկզբնական շրջանում 400-600 աշխատատեղեր կբացվեն»,-ասաց Փաշինյանը:
Նա ցույց տվեց ներդրումների ցուցակը, եւ նշեց, որ 589 մլն դոլարի ներդրումների ծրագրեր են քննարկվում, որոնք պետք է իրականություն դառնան:
«Մենք ունենք երկու առջնահերթություն՝ մեր զինված ուժերին եւ անվտանգային համակարգի բնականոն զարգացումը եւ տնտեսական հեղափոխությունը: Եթե ավելի կոնկրետ, ապա Ղարաբաղի հարցի արդարացի կարգավորումը Արցախի ժողովրդի միջազգային ճանաչմամբ, երկրորդը՝ ծայրահեղ աղքատության հաղթահարումը»,-ընդգծեց նա: