Դատելով այս քայլերից պարզ է դառնում, որ որոշ մարդիկ վախենում են առողջ մրցակցությունից. «Իմ քայլից» պատգամավորության թեկնածու (լուսանկարներ)
«Իմ քայլից» պատգամավորության թեկնածու Մեսրոպ Պապիկյանը Facebook-ի իր էջում լուսանկարներ է հրապարակել, որտեղ երևում է, որ Ավան, Նոր-Նորք, Քանաքեռ-Զեյթուն վարչական շրջաններում պատռել են իմ նախընտրական պաստառները: Մասնավորապես նա գրել է.
«Իմ թիմակիցներն այսօր ականատես են եղել, որ Ավան, Նոր-Նորք, Քանաքեռ-Զեյթուն վարչական շրջաններում պատռել են իմ նախընտրական պաստառները: Զարմանալի է, որ կողք կողքի փակցված մի քանի պաստառներից միայն իմ լուսանկարով պաստառներ են պատռել:
Դատելով այս քայլերից պարզ է դառնում, որ որոշ մարդիկ վախենում են առողջ մրցակցությունից, և «խանդով» են վերաբերվում այն հանգամանքին, որ վարչական շրջանում ստանում եմ քաղաքացիների աջակցությունը:
Հարցը քննարկելու համար րոպեներ անց հանդիպելու եմ ՀՀ ոստիկանության Երևան քաղաքի վարչություն Նոր-Նորք բաժնի Ավանի բաժանմունքի պետ, ոստիկանության մայոր Սարիբեկ Ռուստամյանի հետ և խնդրելու եմ ուշադիր լինել համայնքներում պաստառներ պատռող թիմի նկատմամբ որ ուժի ներկայացուցիչ էլ որ լինի:
Մանրամասները կներկայացնեմ առաջիկայում»: