Էսօր համակարգը սենց է աշխատում՝ փողը տուր, ինչ ուզում ես արա. դա վերացնելու ենք. Փաշինյան

Թալինում ելույթի ժամանակ Նիկոլ Փաշինյանը անդրադարձավ ճանապարհային երթևեկության կանոնների խախտման հետևանքով տուգանքների համակարգը վեափոխելու անհրաժեշտությանը: «Վարորդներ կան մեր երկրում, որ տարեկան 500 ճանապարհային խախտում են անում, կան, որ 800 են անում, այսինքն՝ օրը երկու հատ խախտում են անում, որը ենթակա է տուգանքի:

Էսօր համակարգը սենց է աշխատում՝ փողը տուր, ինչ ուզում ես արա: Մենք դա վերացնելու ենք, նախ տուգանքի առավելագույն չափը փոխելու ենք. առավելագույն չափը սահմանափակելու ենք 29 հազար դրամով: Ճանապարհային երթևեկության կանոնների խախտման համար 29 հազարից ավել տուգանք չի լինելու, բայց բալային համակարգ ենք դնելու: Ենթադրենք 9 բալ ա, եթե վարորդը 3 բալանոց խախտում է ունենալու, հանվելու է 9-ից, հետո եթե 1 բալանոց արեց, մինուս 1: Երբ մի տարվա մեջ եկավ, հասավ 0-ի, վարորդական իրավունքը կասեցվելու է: Սրանով հասնելու ենք նրան, որ լկտի վարորդները զրկվելու են վարորդական իրավունքերից»,- ասաց Փաշինյանը: