Իտալիայի հավաքականը հակառեկորդ է սահմանել
Ազգերի լիգայի խմբային փուլի 5-րդ տուրում Իտալիայի հավաքականը ոչ-ոքի խաղաց Պորտուգալիայի ընտրանու հետ: Միլանի «Սան-Սիրո» մարզադաշտում կայացած հանդիպումն ավարտվեց 0-0 հաշվով:
Այսպիսով, Իտալիայի հավաքականին չհաջողվեց հաղթել 6-րդ անընդմեջ տնային խաղում: Իտալիայի հավաքականն առաջին անգամ է իր պատմության մեջ նման բացասական ցուցանիշ սահմանում:
Ավելի վաղ Իտալիան սեփական հարկի տակ ոչ-ոքի է խաղացել Մակեդոնիայի (1-1), Շվեդիայի (0-0), Հոլանդիայի (1-1), Լեհաստանի (1-1) և Ուկրաինայի (1-1) հավաքականների հետ:
Վերջին անգամ Իտալիան սեփական հարկի տակ հաղթանակ է տոնել Իսրայելի նկատմամբ. 2017 թվակականի սեպտեմբերի 5-ին աշխարհի 2018 թվականի առաջնության ընտրական փուլի շրջանակում կայացած խաղում Իտալիան նվազագույն հաշվով հաղթանակ է տոնել: