Գագիկ Հարությունյանը հիշեցրել է բարձրաստիճան պաշտոնյաներին, որ պետք է գործել օրենքի համապատասխան
Բարձրագույն դատական խորհրդի նախագահ, ՍԴ նախկին նախագահ Գագիկ Հարությունյանը հիշեցրել է բարձրաստիճան պաշտոնյաներին, որ պետք է գործել օրենքի համապատասխան:
Այսօր՝ հոկտեմբերի 29-ին, մամուլի ասուլիսի ժամանակ լրագրողները հետաքրքրվեցին, թե ինչ կարծիք ունի վարչապետ Նիկոլ Փաշինյանի եւ այլ բարձրաստիճան պաշտոնյաների հայտարարությունների վերաբերյալ, որոնք նշում են, որ «ցուցումով աշխատելու սովոր դատավորները զանգահարում են իրենց եւ ցուցումներ են ակնկալում»:
Ի պատասխան Գագիկ Հարությունյանն ասաց, որ ծանոթ է նման հայտարարություններին եւ իր գլխավորած գերատեսչությունը փորձել է պարզել, թե կոնկրետ ով եւ ինչու է զանգահարել: «Բնականաբար, բոլոր դատավորները հրաժարվում են, բայց կարծում ենք, որ առանց ծուխ կրակ չի լինում: Իհարկե, նման վարքը դատապարտելի է, դա անօրինական է»,-ընդգծեց Հարությունյանը՝ միաժամանակ հիշեցնելով, որ հակառակ կողմն էլ չպետք է սահմանափակվեր հայտարարություններով, պետք էր դիմել ԲԴԽ:
Այդ համատեքստում Գագիկ Հարությունյանը հիշեցրեց, որ իրենց Բարձրագույն դատական խորհուրդը լիազորված չէ ինքնուրույն հետաքննություն անցկացնել. «Սակայն, իմ դիտարկումներով, նման բան տեղի է ունեցել առաջին շրջանում: Վերջին ժամանակներս նման խոսակցություններ չկան: Եղել են խոսակցություններ կապված դատավորի հետ, որը հայտնի գործով խափանման միջոց ընտրելու որոշում էր կայացնում: Նա գրավոր բացատրություն է ներկայացրել, որ ոչ ոքի չի զանգել եւ որեւէ հաղորդակցություն չի ունեցել: Բայց հիմա այդ գործով զբաղվում է ՀՔԾ-ն, որն էլ կտա այդ հարցերի պատասխանը»,-ընդգծեց Գագիկ Հարությունյանը:
Լ