Ծեծկռտուք ընտրություններում
Մարնեուլիի շրջանի Իմիրի գյուղում (Քվեմո Քարթլի) ոստիկանությանը չենթարկվելու համար ձերբակալել է իշխող «Վրացական երազանք» կուսակցության եւ ընդդիմադիր «Միասնական ազգային շարժման» անդամների, փոխանցում է «Նովոստի Գրուզիան»՝ վկայակոչելով Վրաստանի ՆԳՆ-ին։
Գերատեսչության տվյալներով՝ հաղորդագրություն է ստացվել Իմիրիում 59-րդ ընտրական հանձնաժողովի անդամին ծեծելու մասին։ Դեպքի վայր ժամանած ոստիկանությունը ականատեսն է դարձել 2 տղամարդու ծեծկռտուքի, որոնք «Վրացական երազանքի» և «Միասնական ազգային շարժման» անդամներ են եղել։
Իրավապահները նրանց մի քանի անգամ հանգստության կոչ են արել, բայց չեն կարողացել նրանց բաժանել: Այս պատճառով նրանց ձերբակալել են։ Իրավախախտներին սպառնում է տուգանք 1-4 հազար լարիի չափով։ Հարուցվել է քրեական գործ։
Վրաստանի քաղաքացիները վերջին անգամ են նախագահ ընտրում ուղղակի համընդհանուր ընտրությունների միջոցով։ Համաձայն փոփոխված սահմանադրության՝ 5-րդ նախագահի ընտրությունից հետո երկիրն ամբողջությամբ անցում կկատարի կառավարման խորհրդարանական ձեւին։ Բոլոր հաջորդ նախագահներին կընտրի ընտրական մարմինը, որի կազմում ներառված կլինեն խորհրդարանի պատգամավորներն ու տեղական իշխանության ներկայացուցիչները։