Որո՞նք են Հայաստանի 2018թ. առաջին կիսամյակի խոշորագույն հարկատուները
կառավարությանն առընթեր Պետական եկամուտների կոմիտեն հրապարակել է Հայաստանի 1000 խոշորագույն հարկատուների ցանկը՝ 2018 թվականի առաջին կիսամյակի տվյալներով:
Ցուցակը գլխավորում է «Զանգեզուրի պղնձամոլիբդենային կոմբինատ»-ը, որը տարվա առաջին վեց ամիսներին վճարել է 24 մլրդ 642 մլն 595 հազար դրամ, նրան հետևում է «Գազպրոմ Արմենիա»-ն` 20 մլրդ 736 մլն 254 հազար դրամ ցուցանիշով:
«Գրանդ Տոբակո»-ն 2018-ի առաջին կիսամյակին վճարել է 16 մլրդ 699 մլն 540 հազար դրամ հարկ, «Գեոպրոմայնինգ Գոլդ»-ը` 8 մլրդ 871 մլն 429 հազար դրամ, «Սիփիէս Օիլ Քորփորեյշն»-ը՝ 8 մլրդ 166 մլն 858 հազար դրամ: «Ֆիլիպ Մորրիս Արմենիա»-ն, 8 մլրդ 155 մլն 871 հազար դրամ ցուցանիշով, վեցերորդ տեղում է, նրան հաջորդում է «Ալեքս Հոլդինգ»-ը, որը հաշվետու շրջանում վճարել է 7 մլրդ 678 մլն 256 հազար դրամ հարկ:
«Ջեյ Թի Այ Արմենիա»-ն այս տարվա առաջին կիսամյակում վճարել է 7 մլրդ 84 մլն 646 հազար դրամ, «Հայաստանի Էլեկտրական ցանցեր»-ը` 6 մլրդ 518 մլն 982 հազար դրամ:
Տասնյակը եզրափակում է «Ինտերնեյշնլ Մասիս Տաբակ»-ը` 5 մլրդ 839 մլն 461 հազար դրամ ցուցանիշով:
Խոշորագույն հարկատուների ցանկն ամբողջությամբ` այստեղ: