Աշոտ Ահարոնյանը` Սևանում ոստիկանության ծառայողի կողմից կատարված բռնության դեպքի մասին
Ոստիկանության լրատվության վարչության պետ Աշոտ Ահարոնյանը Facebook-ի իր էջում գրել է.
«Մի քանի ԶԼՄ-ներում հրապարակվել է տեղեկություն, որ Սևանում ոստիկանության ծառայողը բռնություն է կիրառել քաղաքացու նկատմամբ։
Տեղեկացնեմ, որ ՀՀ ոստիկանույթան պետի հանձնարարությամբ դեռևս հոկտեմբերի 10-ին ոստիկանության ներքին անվտանգության վարչությունում ծառայողական քննություն է սկսվել։ Վստահեցնում եմ, որ եթե քննությամբ հաստատվի ոստիկանության ծառայողի կողմից նման արարք կատարելու փաստը, ապա վերջինս անպայման կենթարկվի ամենախիստ պատասխանատվության։ Իսկ մինչ այդ հորդորում եմ զերծ մնալ պիտակներ ու որակումներ տալուց ու սպասենք քննության արդյունքին»։