Չեչնիայի նախագահը Նուրմագոմեդովին մեքենա է նվիրել՝ հաղթանակի կապակցությամբ
Ահմատ-Հաջի Կադիրովի անվան տարածաշրջանային հասարակական հիմնադրամը իռլանդացի Կոնոր Մակգրեգորի նկատմամբ հաղթանակի տարած ռուս մարզիկ Խաբիբ Նուրմագոմեդովին մեքենա է նվիրել:
Այս մասին հայտարարել է Չեչնիայի Հանրապետության նախագահ Ռամզան Կադիրովը` Telegram-ի իր ալիքում, հավելելով, որ մարզիկին տրվել է նաև Գրոզնիի պատվավոր քաղաքացու կոչում:
Չեչնիայի ղեկավարը մանրամասնել է, որ դա տեղի է ունեցել տոնական ընթրիքի ժամանակ, որը Կադիրովը կազմակերպել էր Նուրմագոմեդովի պատվին: