Քիմ Քարդաշյանը փորձում է օգնել 4 մարդու սպանության համար ցմահ ազատազրկված անձին
Ամերիկահայ հայտնի հեռուստաաստղ Քիմ Քարդաշյանը ցմահ ազատազրկման դատապարտված Էլիս Ջոնսոնի ազատ արձակմանը հասնելուց հետո, այժմ էլ զբաղվում է մեկ այլ կալանավորի գործով:
Ինչպես նշում է Daily Mail-ը, 37-ամյա հայուհին ցանկանում է ապացուցել, որ չորս մարդու, այդ թվում՝ 10 տարեկան երեխաների սպանության համար ցմահ ազատազրկման դատապարտված Քևին Կուպերն իրականում անմեղ է:
Քարդաշյանը պայքարում է, որ նոր ԴՆԹ թեստ անցկացվի: Նա նման կոչով դիմել է Կալիֆոռնիայի նահանգապետ Ջերի Բրաունին՝ համապատասխան գրառում անելով իր թվիթերյան միկրոբլոգում:
Հայտնի է, որ տղամարդն արդեն 33 տարի բանտում է. նրա վճիռը կիրականացվի մահացու ներարկման միջոցով:
Կուպերն ու իր աջակիցները պնդում են, որ ոստիկաններն են այս գործը «սարքել»: Կալանավորը տարիներ շարունակ պահանջում է նոր ԴՆԹ թեստ անցկացնել, սակայն՝ ապարդյուն:
Մինչդեռ նոր թեստի անցկացման դեպքում հնարավոր է, որ Կուպերի անմեղությունն ապացուցվի:
Աղբյուրը մանրամասնում է, որ Կուպերը մահապատժի է դատապարտվել 1985թ.՝ Դուգլաս և Փեգի Ռյեների, նրանց 10-ամյա դստեր ու որդու դաժան սպանության համար: Կատարվածի միակ ականատեսը եղել է զույգի 8-ամյա որդին՝ Ջոշը, որի նախնական ցուցմունքի համաձայն՝ սպանությունը մի քանի մարդ է իրագործել: