Պատգամավորներին չեն թողնում դուրս գալ խորհրդարանի շենքից
Ազգային ժողովի արտահերթ նիստն ավարտվել է, սակայն պատգամավորները շարունակում են մնալ խորհրդարանի շենքում։
Պատճառը ԱԺ-ի դիմաց իրականացվող ակցիան է։
ԱԺ «ՀՀԿ» խմբակցության պատգամավոր Միհրան Պողոսյանը, արդյոք չի՞ կարողանում դուրս գալ ԱԺ շենքից հարցին ի պատասխան, ասաց. «Իսկ դուք կարողանո՞ւմ եք դուրս գալ»։
Իսկ «ՀՀԿ» խմբակցության պատգամավոր Կարինե Աճեմյանն էլ հայտարարեց, թե ինքը չի վախենում դուրս գալ, պարզապես գործեր ունի։
Շուշան Պետրոսյանն էլ, պատասխանելով հարցին, թե արդյոք վախենում է դուրս գալ, ասաց․ «Ի՞նչ է եղել, դրսում մեզ նման հայեր չե՞ն»։
Գալուստ Սահակյանն էլ նախ հայտարարեց, որ ցանկության դեպքում կարող է դուրս գալ ԱԺ շենքից։ Հարցին՝ ինչու չի դուրս գալիս, նա պատասխանեց. «Բոլոր մուտքերը փակել են, ինչպե՞ս դուրս գամ»։