Ինդոնեզիայում 3 օր փլատակների տակ անցկացրած մի քանի մարդու են փրկել
Ինդոնեզիայի արտակարգ ծառայությունները, որոնք զբաղվում են երկրաշարժի հետևանքների վերացմամբ, փլատակների տակ շուրջ 3 օր անցկացրած մի քանի մարդու են փրկել:
Ինչպես հաղորդում է РИА Новости-ն՝ հղում անելով տեղի աղբյուրին, որոնողա-փրկարարական ծառայության տվյալներով՝ Բալարոա բնակելի համալիրի փլատակների տակից մեկ կնոջ են դուրս բերել երկուշաբթի գիշերը: Մեկ այլ տուժած կնոջ հայտնաբերել են քաղաքի ռեստորաններից մեկի փլատակների տակ:
Որոնողա-փրկարարական աշխատանքներին մասնակցողների տվյալներով՝ քաղաքի տարբեր շրջաններում ևս մի քանի մարդ է գտնվել: