Թաֆթս համալսարանի դասախոսը կներկայացնի իր նոր՝ «Հայաստանի արվեստը» գիրքը
Թաֆթս համալսարանի դասախոս Քրիստինա Մարանչին կներկայացնի իր նոր՝ «Հայաստանի արվեստը. ներածություն» գիրքը հոկտեմբերի 4-ին` Թաֆթսի համալսարանի շրջանավարտների հանդիպման ժամանակ:
Այս ծրագիրը պրոֆեսոր Չարլզ Կարապետյանի անվան առաջին դասախոսությունն է, որը հովանավորում են Հայագիտության հետազոտությունների ազգային ասոցիացիան, Հայոց պատմության Դարակջյան Ջաֆարյան ամբիոնը և Թաֆթսի համալսարանի հայկական ակումբը:
Մարանչիի նոր գրքում Հայաստանի արվեստի ուսումնասիրությունն է` սկսած հին ժամանակներից մինչև նորագույն շրջանի վաղ ժամանակահատվածը: Այն ներառում է ամեն բնագավառ` սկսած ճարտարապետությունից, քարե քանդակագործությունից, մետաղե, փայտե և կտորից պատրաստված իրերից մինչև ձեռագրեր և կավագործություն, որի շնորհիվ հայկական արվեստը դիտարկվում է լայն պատմական, հնէաբանական և մշակութային համատեքստում, հայտնում է Wicked Local Somerville-ը:
Գիրքը բացառիկ է, քանի որ ընթերցողին է ներկայացնում 3000 տարվա հայկական արվեստը, հնագիտությունը, ճարտարապետությունը և դրա կառուցվածքը: Հեղինակը հայկական արվեստի պրոֆեսոր է և այժմ Թաֆթսի համալսարանի արվեստի և արվեստի պատմության բաժնի ամբիոնի վարիչ է, ինչպես նաև Ամերիկայի հայկական թանգարանի և Հայագիտության հետազոտությունների ազգային ասոցիացիայի ակադեմիական խորհրդական:
Միջոցառման մուտքն ազատ է հանրության առաջ: