Վանեցյանն անձնական միջոցներ չունի, որոնք կարող է ներդնել հայկական ֆուտբոլում

Հայաստանի ֆուտբոլի ֆեդերացիայի նորընտիր նախագահ Արթուր Վանեցյանը անձնական միջոցներ չունի, որոնք կարող է ներդնել հայկական ֆուտբոլում: ԱԱԾ տնօրենը կարծում է, որ դրա կարիքը չի էլ լինի, եթե եղած միջոցներն արդունավետ օգտագործվեն: Այս մասին նա ասաց սեպտեմբերի 22-ին, Հայաստանի ֆուտբոլի ֆեդերացիայի նախագահ ընտրվելուց հետո: Ֆեդերացիայի արտահերթ նիստից հետո նա պատասխանեց լրագրողների հարցերին, այս մասին գրում է armtimes.com-ը:

-ՀՀ ֆուտբոլի ազգային հավաքականի գլխավոր մարզիչ Վարդան Մինասյանը հրաժարական է տվել: Կա՞ն թեկնածուներ: Վերջերս ՀՀ վարչապետ Նիկոլ Փաշինյանը պարգևատրել է Յուրի Ջորկաեֆին: Հնարավո՞ր է նա լինի:

-Մի փոքր անսպասելի էր Վարդան Մինասյանի հրաժարականը: Չենք զրուցել նրա հետ: Հանդիպեկ ենք 1 անգամ, և չէի սպասում, որ հրաժարական կտա: Հաշվի առնելով, որ հրաժարականը եղավ անսպասելի՝ հիմա շատ ակտիվ պետք է աշխատենք հավաքականի նոր գլխավոր մարզիչ գտնելու ուղղությամբ: Գիշերվանից աշխատանքները շատ ակտիվ տարվոււմ են: Կան մի քանի թեկնածուներ՝ և տեղացի, և արտասահմանից : Անունները չեմ կարող նշել: Առաջիկա 2-3օրվա ընթացքում կներհայացվի նոր մարզչի թեկնածությունը:

-Հայկական ֆուտբոլում փոփոխություններ են տեղի ունենում՝ և, կառուցվածքային, և մարզչի մակարդակով: Ի՞նչ եք կարծում, սա ինչպե՞ս կանդրադառնա Ազգերի լիգայում հավաքականի ելույթների վրա:

-Կարծում եմ՝ շատ դրական կանդրադառնա: Պայմանավորում եմ նրանով, որ մինչև հիմա դրական չի անդրադարձել:

-Ինչպե՞ս կգնահատեք նախկին ֆեդերացիայի աշխատանքը:

-Արմեն Մինասյանը (խմբ. արդեն նախկին գործադիր տնօրեն) շատ մանրակրկիտ ներկայացրեց ֆեդերացիաի կատարած աշխատանքները 2003-2017 թթ: Ակնհայտ էր, որկան մեծ ձեռքներումներ, դրական տեղաշարժ, բայց ես չէ, որ պետք է գնահատական տամ ֆեդերացիայի աշխատանքներին: Դրականը ակնհայտ է: Պետք է պահպանենք այդ դրականը և գնանք ավելի լավ գործեր անելու ուղղությամբ:

Նյութն ամբողջությամբ՝ սկզբնաղբյուր կայքում