Սերգեյ Լավրովն ու Զորհրաբ Մնացականյանը կհանդիպեն
Ռուսաստանի Դաշնության ԱԳՆ պաշտոնական ներկայացուցիչ Մարիա Զախարովան Սանկտ Պետերբուրգում՝ Կանանց եվրասիական երկրորդ համաժողովի շրջանակներում կայացած ճեպազրույցի ժամանակ անդրադարձել է ԱԳ նախարար Սերգեյ Լավրովի առաջիկա օրակարգին և նախատեսված հանդիպումներին:
Ինչպես հայտնում է ՌԴ ԱԳՆ կայքը, Զախարովան լրագրողներին տեղեկացրել է Նյու Յորքում ՄԱԿ-ի 73-րդ Գլխավոր վեհաժողովի շրջանակներում կայանալիք հանդիպումների մասին: Այս տարի ռուսական պատվիրակությունը ՄԱԿ-ի՝ բարձր մակարդակով նստաշրջանում կղեկավարի ԱԳ նախարար Լավրովը:
Զախարովայի խոսքով՝ ներկա պահին արդեն նախատեսված է, որ Լավրովը հանդիպում կունենա Հայաստանի Հանրապետության ԱԳ նախարար Զահրաբ Մնացականյանի, ՆԱՏՕ-ի գլխավոր քարտուղարի, ԵԱՀԿ գլխավոր քարտուղարի և այլ բարձրաստիճան պաշտոնյաների հետ: