Ես բացառում եմ, որ կա որևէ մեկը, ով կարող է ինձ ավելի ուժեղ քննադատել, քան ես ինքս. Նիկոլ Փաշինյան (տեսանյութ)
Մենք պետք է այո, քննադատենք իրար, բայց յուրաքանչյուրս պետք է ի վիճակի լինի քննադատել ինքն իրեն: Այս մասին սեպտեմբերի 14-ին Փարիզում Ֆրանսիայի հայ համայնքի հետ հանդիպմանն ասել է ՀՀ վարչապետ Նիկոլ Փաշինյանը:
«Օրինակ, երբ ինձ հարցնում են՝ ինչպես ես վերաբերում քննադատությանը, ես ասում եմ՝ բավականին լավ, որովհետեւ ես բացառում եմ, որ կա որեւէ մեկը, ով կարող է ինձ ավելի ուժեղ քննադատել, քան ես ինքս: Ինձնից ուժեղ քննադատ ես չեմ կարող ունենալ: Ես կոչ եմ անում, որ մեզնից յուրաքանչյուրի ամենաուժեղ քննադատը մենք ինքներս լինենք, որովհետեւ դա է թավշյա հեղափոխությունը: Դա է ճանապարհը, որ մեզ կմիավորի, ոչ թե կբաժանի»,-ասաց նա:
Փաշինյանի խոսքով, սա չի նշանակում, որ մենք չպետք է իրար աչքերի մեջ նայելով ասենք ճշմարտությունը. «Բայց ինչպես Կտարակարանում է ասված՝ չի կարելի սեփական աչքի գերանը չտեսնել, իսկ դիմացինի աչքի փուշը տեսնել: Եկեք զբաղվենք մեր աչքի գերանով, հետո կզբաղվենք ուրիշների աչքի փուշով:
Սա առաջին հերթին վերաբերում է կառավարությանը, հանկարծ սա խնդրում եմ չընկալել որպես կառավարությանը չքննադատելու կոչ: Իհարկե, կառավարությունը պետք է արժանանա մեր անկեղծ քննադատությանը»,-ասաց նա:
Մանրամասն՝ տեսանյութում: