на Русском
Ջաթին Շարման որոնվում է որպես անհետ կորած
Հենրի Քավիլն առաջին անգամ հայր կդառնա
Զինվորականներին՝ բջջային հեռախոսի և ինտերնետի հնարավորություն, բայց բարձր վերահսկողության ներքո. քննարկումներ ՊՆ-ում
ԶՈՒ-ի բարեփոխումների հարցը քննարկվում է պաշտպանության նախարարությունում ընթացող գիտական կոնֆերանսում: Այսօրվա քննարկումները հիմնականում վերաբերել են անձնակազմի իրային ապահովման արդիականացմանը, զինված ուժերի հեղինակության բարձրացման խնդրին: Մասնակիցների կարծիքով՝ զինվորականներին պետք է հնարավորություն տալ բջջային հեռախոս ու ինտերնետ հասանելիություն ունենալ, բայց զուգահեռաբար անհրաժեշտ է ապահովել բարձր վերահսկողություն:
«Այսօր կան խոցելի խնդիրներ: Օրինակ՝ տագնապ է հայտարարվում, իսկ դրա ժամանակ որոշ զինծառայողներ գաղտնիություն պարունակող տեսարանների ֆոնին լուսանկարվում են ու դրանք համացանցում տեղադրում: Այսինքն, այսպես թե այնպես, զինծառայողների մեծ մասն օգտվում է սոցիալական ցանցերից և, ցավոք սրտի, սխալ կերպով»,- ասաց ՀՀ ՊՆ ՊԱՀՀ-ի (Պաշտպանական ազգային հետազոտական համալսարան) հասարակայնության հետ կապերի ու տեղեկատվության պատասխանատու Առլեն Շահվերդյանը:
Նրա խոսքով՝ կարելի է այնպես անել, որ զինվորականները գրագետ օգտվեն համացանցի ընձեռած հնարավորություններից, դառնան տեղեկատվության ոչ միայն սպառողը, այլև տարածողը: Ընդ որում՝ այն տեղեկության մասին է խոսքը, որը հուսալի է և «արտադրված» համակարգի կողմից:
«Ասեմ, որ ՀՀ ՊՆ պաշտոնական կայքի տեղեկությունները տարածելը, օրինակ՝ ժամանակ չի խլում, բավական է ընդամենը 2 վայրկյան»,- ասաց նա:
