Ռուսաստանի բնակիչը 5 մլն ռուբլիով վաճառքի է հանել իր կատվին
Կեմերովո քաղաքի բնակիչը հայտարարություն է հրապարակել ու հայտնել, որ ինքը 5 մլն ռուբլիով վաճառում է իր կատվին:
Հայտարարությունում տղամարդը պնդում է, որ կատուն «էքստրասենս» է ու « տեսնում է ոգիներին և ուրվականներին»: Տղամարդը նաև առաջարկել է կատվի ապագա տերերին կենդանու միջոցով շփվել «հանդերձյալ աշխարհի հետ»:
Ընդ որում, տղամարդն ընդգծել է, որ, ինչպես և ցանկացած մյուս ընտանի կենդանիները, կատուն ուշադրության ու խնամքի կարիք ունի:
Հայտարարության հեղինակի խոսքով՝ ինքը նշել է այս գինն ուշադրություն գրավելու համար, սակայն ինքը դեմ չի լինի, եթե կենդանուն գնեն հենց այս գնով: