Կորեացին զրկվել է ձեռքից՝ սուշիից թունավորման պատճառով
Հարավային Կորեայի 71-ամյա բնակիչը զրկվել է իր ձեռքից՝ սուշիից թունավորման պատճառով, գրում է New England Journal of Medicine-ը։
Սնունդն ընդունելուց 12 ժամ անց տարեց տղամարդու ձախ ձեռքի ափը խիստ այտուցվել է։ Պարզվել է, որ նման կերպ օրգանիզմն արձագանքել է սուշիի հում ձկան մսի մեջ եղած Vibrio Vulnificus տեսակի բակտերիաներին, որոնք էլ դարձել են ախտահարման պատճառ։
Բժիշկները հեռացրել են այտուցի մեջ եղած հեղուկը, ախտահարված հյուսվածքներն ու հակաբիոտիկներ նշանակել հիվանդին։
Ցավոք, բուժումը չի օգնել 71-ամյա տղամարդուն, իսկ թունավորվելուց 25 օր անց պարզ է դարձել, որ նրա մոտ հյուսվածքային նեկրոզ է։
Բժիշկները ստիպված են եղել հեռացնել նրա ձեռքի ափի ու նախաբազկի հատվածները։