«Ռեալին» դուր չի եկել, որ «Ինտերը» բանակցել է Մոդրիչի հետ

Ըստ է As պարբերականի, Մադրիդի «Ռեալին» դուր չի եկել այն, որ իտալական «Ինտերը» բանակցել է Խորվաթիայի հավաքականի կիսապաշտպան Լուկա Մոդրիչի հետ: Այդ կապակցությամբ «արքայական» ակումբը մտադիր է բողոք ներկայացնել իտալական ակումբի դեմ:

Միլանյան ակումբն այս ամռանը ցանկանում էր ձեռք բերել 32-ամյա ֆուտբոլիստին եւ բանակցում էր նրա գործակալների հետ: Չնայած երկու ակումբների միջեւ բարեկամական հարաբերություններին՝ «Ռեալի» նախագահ Ֆլորենտինո Պերեսը մտադիր է այդ հարցով դիմել ՖԻՖԱ-ին:

Հիշեցնենք, որ Մոդրիչը 2012 թվականից է հանդես գալիս «արքայական» ակումբում, որի հետ նրա գործող պայմանագիրը նախատեսված է մինչեւ 2020 թվականը, իսկ տարեկան աշխատավարձը կազմում է 10 միլիոն եվրո: Նախորդ մրցաշրջանում նա «Ռեալի» կազմում անցկացրել է 43 հանդիպում, դարձել 2 գոլի ու 8 գոլային փոխանցման հեղինակ: Ռուսաստանում այս ամռանն անցկացված ֆուտբոլի աշխարհի առաջնությունում Մոդրիչը Խորվաթիայի հավաքականին օգնել էր դառնալ փոխչեմպիոն՝ ճանաչվելով մրցաշարի լավագույն ֆուտբոլիստ: