2015թ.-ից հետո զոհված կամ հաշմանդամ դարձած զինվորներն ու նրանց ընտանիքները «1000 դրամների» օրենքով կփոխհատուցվեն
Օգոստոսի 9-ին, կառավարության նիստի ժամանակ վարչապետ Նիկոլ Փաշինյանը ասաց. «1000 դրամների» մասին օրենքում առաջիկայում փոփոխություններ են արվելու, որպեսզի այն տարածվի նաև 2015թ.-ից հետո զոհված կամ հաշմանդամություն ստացած անձանց կամ նրանց հարազատների վրա»:
Նա հիշեցրեց, որ գործող օրենքով հատուցում են ստանում 2017թ.-ի հունվարի 1-ից հետո հայրենիքի պաշտպանության ժամանակ զոհված կամ հաշմանդամություն ստացած անձինք կամ իրենց հարազատները:
«Մենք քննարկեցինք հնարավորությունը ամսաթիվը փոխելու և այժմ կա հնարավորություն այն երկու տարով հետ տանելու:
Բացի դրանից, կան ոչ անհայտ ընկերություններ, որոնք չեն վճարում այդ հազար դրամները կամ պարտքեր ունեն, մենք պետք է կոչ անենք բոլոր ընկերություններին վճարումները պարտաճանաչ կատարել:
Այս հիմնադրամը պետք է շարունակի մեծանալ, շահառու պետք է դարձնենք ավելի վաղ ժամանակ վիրավորում ստացած կամ զոհված մեր հայրենակիցներին և նրանց ընտանիքներին»,- ասաց Նիկոլ Փաշինյանը:
Պաշտպանության նախարար Դավիթ Տոնոյանն էլ հայտնեց, որ այս փոփոխությամբ նշանակում է, որ շահառուներ կարող են դառնալ 183 զոհվածի ընտանիք և զինհաշմանդամ: