на Русском
Հատուկ զբոսայգիներ՝ շների համար
Բեյոնսեն ծաղկեփունջ է ուղարկել իր երկու տարեկ... 
Ընդհանուր աշխատավարձերի, թոշակների բարձրացումը կախված է լինելու տնտեսական ցուցանիշներից
Ընդհանուր աշխատավարձների բարձրացման մասով պետք է ասել, որ բյուջետային քննարկումների մեջ ենք: «Ազատություն» ռ/կ-ի Facebook-ի էջին տված ասուլիսի ժամանակ նման հայտարարություն արեց փոխվարչապետ Տիգրան Ավինյանը:
«Ընդհանուր աշխատավարձերի, թոշակների բարձրացումը կախված է լինելու տնտեսական ցուցանիշներից: Այս պահի դրությամբ կարող եմ ասել, որ պատկերը դրական է, և եթե տենդենցը նման կերպով շարունակվի, կարծում եմ՝ մոտ ապագայում կարող ենք քննարկել նաև այդ հարցը»,- ասաց նա:
Հարցին, թե կարո՞ղ է ասել՝ որքան գումար է բյուջե ավելացել, նա պատասխանեց․ «Շատ տարբեր թվեր են, նայած, թե ինչն ենք մենք համարում վերադարձված, ինչը ոչ: Խոսքը գնում է մի քանի տասնյակ միլիոնի մասին, բայց կարծում եմ՝ դա շատ փոքր թիվ է: Սա դեռևս երևացող մասն է եղել, որը որ շատ արագ հայտնաբերվել է և վերադարձվել է, բայց կա արդեն քաղաքականության մակարդակով որոշակի շերտ՝ սև շուկայից հանելու և մաքուր աշխատելու մոտեցում ներդնելու:
Կարծում եմ՝ մեր հիմնական նպատակը դա պետք է լինի, որպեսզի բոլորը ցանկանան, բոլորին շահավետ լինի աշխատել հարկային դաշտում: Այդ դեպքում պատկերն այլ կերպ կլինի՝ մի քանի տասնյակ միլիոն դոլարի մասին չի լինի խոսքը, այլ մի քանի հարյուրի,- ասաց նա:
Տիգրան Ավինյանի խոսքով՝ պետք է հասկանալ նաև գործարարների խնդիրները, որոնք որ կապված են հարկային օրենսդրության հետ:
«Այդ իսկ պատճառով, այդ խնդիրները հասկանալով՝ փորձում ենք գնալ հարկային օրենսգիրքը պարզեցնելուն, ինչպես նաև տոկոսադրույքները վերանայելուն»,-ասաց նա:
Պատասխանելով օգտատերերից մեկի՝ թանկացումների վերաբերյալ հարցին, թե միայն բանանն ու շաքարավազն են էժանացել, գազարը, ձմերուկը թանկացել են, Տիգրան Ավինյանը նշեց․ «Թանկացումների վերաբերյալ տվյալների վերջին երկու օրվա են, և դրանց պատճառները դեռ ինձ հայտնի չեն: Շատ հավանական է, որ սա կապված լինի ջրի սակավության հետ և նաև կապված լինի արտահանման մեծ ծավալների հետ, որովհետև շատ մեծ ծավալների գյուղմթերք է այս տարի արտահանվել Ռուսաստան»:
