«Ալաշկերտը» նվազագույն հաշվով առավելության հասավ «Արարատի» նկատմամբ. Հայաստանի առաջնություն (տեսանյութ)
Ֆուտբոլի Հայաստանի գործող չեմպիոն Երևանի «Ալաշկերտը» հաղթանակով մեկնարկեց Բարձրագույն խմբի առաջնությունում: Մեկնարկային տուրում «Ալաշկերտը» Երևանի «Նաիրի» ստադիոնում նվազագույն հաշվով առավելության հասավ «Արարատի» նկատմամբ: Միակ գոլը երկրորդ խաղակեսում խփեց սերբ պաշտպան Դանիել Ստոյկովիչը:
Հիշեցնենք, որ Հայաստանի 27-րդ առաջնության մեկնարկային տուրի առաջին խաղային օրը Երևանի «Բանանցը» տանը գոլազուրկ ոչ ոքի էր խաղացել Գյումրիի «Շիրակի» հետ, իսկ «Արարատ-Արմենիան» Վանաձորի ֆուտբոլային ակադեմիայում 2:0 հաշվով արտագնա հաղթանակ էր տարել «Լոռիի» նկատմամբ:
Օգոստոսի 5-ին նախատեսված «Փյունիկ» - «Գանձասար-Կապան» հանդիպումը հետաձգվել է, քանի որ օգոստոսի 7-ին երևանյան ակումբը Եվրոպայի լիգայի որակավորման երրորդ փուլի դիմակայության առաջին խաղ է անցկացնելու Թել Ավիվիի «Մաքաբիի» հետ:
Հիշեցնենք, որ Բարձրագույն խմբի առաջին տուրը բաց է թողնում «Արցախը», քանի որ առաջնությանը մասնակցում են 9 թիմեր: