Ծիրանի արտահանումն աճել է 78 տոկոսով. Արթուր Խաչատրյան

Ծիրանի արտահանումը նախորդ տարվա համեմատ երեկվա դրությամբ ավելացել է 78 տոկոսով։ Այս մասին օգոստոսի 2-ին կառավարությունում լրագրողների հետ զրույցում ասաց գյուղատնտեսության նախարար Արթուր Խաչատրյանը։

«Անցյալ տարի արտահանել ենք 28 884 տոննա, իսկ այս տարի երեկվա դրությամբ ավելի քան 50 000 տոննա»,-նշեց նախարարը։

Նա հավելեց՝ պտուղ–բանջարեղենների մասով անցյալ տարի արտահանվել է մոտ 120 000 տոննա, այս տարի երեկվա դրությամբ արտահանվել է շուրջ 100 000 տոննա, այսինքն՝ 70 տոկոսով ավելացել է նախորդ տավա համեմատ. «Ընդ որում՝ դեռ ունենք խաղող, աշնանային այլ մրգեր»։

Արթուր Խաչատրյանը ռուսական շուկայում հայկական մթերքների խնդիրների մասին հարցին պատասխանեց. «Այս պահին ահազանգեր չունենք։ Լոլիկի հետ կապված է եղել տարվա սկզբին, այս պահին լուծված է»։