ԱՄՆ- ի կոնգրեսականները նամակ են հղել Դոնալդ Թրամփին՝ կոչ անելով հանդիպել Նիկոլ Փաշինյանի հետ
ԱՄՆ-ի Կոնգրեսի Հայաստանի հարցերով խումբը նամակ է հղել նախագահ Դոնալդ Թրամփին` կոչ անելով սեպտեմբերին Նյու Յորքում ՄԱԿ-ի Գլխավոր ասամբլեայի շրջանակներում հանդիպել Հայաստանի վարչապետ Նիկոլ Փաշինյանի հետ: Նամակը ստորագրել են 48 կոնգրեսականներ, այս մաասին հաղորդում է Ամերիկայի հայկական համագումարը:
«Նախագահ Թրամփի և վարչապետ Փաշինյանի զրույցը, որի ժամանակ շեշտվում է տնտեսական զարգացումը, անվտանգությունը և ժողովրդավարությնը, կարևոր է մեր երկրների միջև ռազմավարական գործընկերության ուժեղ շրջադարձի համար», - ասել է կոնգրեսական Ֆրենկ Փալոնե կրտսերը:
Թրամփին ուղղված նամակում մասնավորապես ասվում է. «Հեղափոխությունից հետո իշխանության խաղաղ փոխանցումը վկայում է ավելի արդար և ժողովրդավարական պետության վերաբերյալ հայ ժողովրդի կամքի մասին:
Քանի որ Հայաստանը ձգտում է ամրապնդել իշխանության թափանցիկությունը, ժողովրդավարական ինստիտուտները և ընդլայնել քաղաքացիական հասարակության հնարավորությունները, կարևոր է, որ Միացյալ Նահանգները պետական կառավարման բոլոր մակարդակներում խորացնեն իրենց կապերը տարածաշրջանային այս գործընկերոջ հետ»: