на Русском
Բագրատունյաց և Արտաշիսյան փողոցների միջանկյալ... 
Հենրի Քավիլն առաջին անգամ հայր կդառնա
Համոզված եմ, որ իրավապահներն իրենց աշխատանքը պատշաճ կանեն. Փաշինյանը՝ Միքայել Հարությունյանին գտնելու մասին
Վարչապետ Նիկոլ Փաշինյանը, պատասխանելով այն հարցին, թե ինչու է դժվար գտնել ու բերել հարցաքննության «Մարտի 1»-ի գործով անցնող պաշտպանության նախկին նախարար Միքայել Հարությունյանին, ասաց. «Ինչ վերաբերում է Միքայել Հարությունյանին՝ իրավապահները դեռ նոր են իրեն մեղադրանք առաջադրել, և որքան գիտեմ, ես մանրամասներին տեղյակ չեմ՝ հայտնաբերելու ուղղությամբ ինչ է արվում, բայց համոզված եմ, որ իրենց աշխատանքը պատշաճ կանեն»:
Անդրադառնալով 2008 թվականից հետո մի քանի տարի իր՝ ընդհատակում գտնվելու փաստին՝ վարչապետը նշեց՝ կարծում է, որ ժամանակին իրեն չգտնելու հիմքերից մեկը եղել է «Երկրի հակառակ կողմը» հոդվածաշարը:
«Ես ասել եմ, որ ցավում եմ, որ մեր իրավապահ մարմիններն իրենց առաջ խնդիր են դրել ինձ հայտնաբերելու և չեն կարողացել:Կարծում եմ՝ իրավապահ մարմինների աշխատակիցները, կարդալով իմ «Երկրի հակառակ կողմը» հոդվածաշարը, հավատացել են, որ ես իսկապես Հայաստանի տարածքից դուրս էի գտնվում: Դրա մասին վկայող պաշտոնական փաստաթղթեր ի հայտ են եկել դեռևս 2010 թվականին, երբ դատական պրոցես կար ինձ հետ կապված»,-ասաց նա:
