Ալեքսիս Օհանյանը հուզիչ խոսքեր է հղել կնոջը
Օրերս ավարտվեց թենիսի Ուիմբլդոնի մրցաշարը: Բոլորի համար անսպասելի ամերիկացի թենիսիստուհի Սերենա Ուիլյամսը եզրափակիչ խաղում պարտվեց գերմանացի Անգելիկա Քորբերին:
Սերենայի խաղին հետևել էր նրա մտերիմ ընկերուհի Մեգան Մարքլը:
Սերենան խաղից առաջ հայտարարել է, որ այս խաղը նվիրում է խաղին հետևող բոլոր մայրերին:
Ամենաիսկական աջակցությունը Սերենային ցուցաբերել է նրա ամուսինը՝ Աեքսիս Օհանյանը՝ սոցցանցում հուզիչ գրառում անելով:
«Մեր դստեր ծնունդից մի քանի օր անց ես համբուրեցի իմ կնոջը վիրահատությունից առաջ. մեզանից ոչ ոք չգիտեր՝ կվերադառնա՞ արդյոք նա տուն: Մենք պարզապես ուզում էինք, որ նա ապրի: Անցել է 10 ամիս:
Նա խաղում է Ուիմբլդոնի եզրափակչում: Նրա համար ամեն ինչ դեռ նոր է սկսվում: Մեր ընտանիքը գիտի, որ նա դեռ շատ տիտղոսներ կնվաճի: Ես չեմ կարող ավելի հպարտ լինել, քան այսօր»,- գրել է Ալեքսիսը: