Եթե ՀՀԿ-ն ընտրի քաղաքապետ, նշանակում է՝ իրենք որոշել են իրենց վիճակը բարդացնել. Դավիթ Խաժակյան (տեսանյութ)
Եթե Երևանի ավագանու ՀՀԿ-ի խմբակցությունը իր կազմից ընտրի քաղաքապետ, նշանակում է՝ իրենք որոշել են իրենց վիճակը բարդացնել: Այս մասին այսօր՝ հուլիսի 12-ին, լրագրողների հետ զրույցում ասաղ Երևանի ավագանու «Ելք» խմբակցության անդամ Դավիթ Խաժակյանը:
«Էդպիսի բան կա չէ, որ հանցանք կատարած անձը իրավունք ունի խոստովանել և մեղմացնել իր կատարած հանցանքները: Սրանով ՀՀԿ-ն վնասում է ոչ թե «Ելք» խմբակցությանը և կառավարությանը, այլ վնասելու է, թե´ պետությանը, թե´ քաղաքին, որովհետև այն իրավիճակը, որը ստեղծվում է նպատակային ընտրված այս օրով, պարզապես անելանելի իրավիճակ է ստեղծվում»,-ասաց նա:
Դավիթ Խաժակյանը վստահեցնում է, որ Հանրապետականը շարժվում է «մեզնից հետո թեկուզ ջրհեղեղ» սկզբունքով. «Ես չգիտեմ, իրենք թեկնածու առաջադրելու են, թե՝ չէ, բայց որոշել են այդ ջրհեղեղը ստեղծեն»:
Նրա խոսքով՝ իրենք դեռ չեն որոշել իրենց թեկնածուին, սակայն դա կլինի 30 տարին լրացած անձ:
Դավիթ Խաժակյանը նորից շեշտեց, որ այս որոշումը հատուկ են ՀՀԿ խմբակցությունում ընդունել, որպեսզի խառնաշփոթ իրավիճակ ստեղծեն քաղաքպետի ընտրությունների շուրջ: