Հարավային Բասրա նահանգում Իրաքի ոստիկանությունը կրակ է բացել ցուցարարների ուղղությամբ
Իրաքի ոստիկանությունը կիրակի օրը կրակ է բացել Հարավային Բասրա նահանգի շրջաններից մեկում հավաքված ցուցարարիների ուղղությամբ: Ինչպես հաղորդում է Reuters-ը, ցուցարարները բողոքում են աշխատատեղերի, էլեկտրաէներգիայի, ջրի և այլ հիմնական ծառայությունների պակասի կապակցությամբ:
Գործակալության փոխանցմամբ՝ ոստիկանության աղբյուրները հայտնել են, որ կրակոցների արդյունքում ութ մարդ է վիրավորվել: Միևնույն ժամանակ, Reuters-ը, վկայակոչելով շրջաններից մեկի քաղաքապետին, հայտնել է մեկ զոհի և երեք վիրավորի մասին: «Ցուցարարներն ընդամենը արդարացի պահանջներ են ներկայացրել աշխատատեղերի ստեղծման և ավելի որակյալ հիմնական ծառայությունների մատուցման վերեբարյալ, սակայն ոստիկանները կրակ են բացել և սպանել են նրանցից մեկին»,- հայտնել է Իմամա-Սադիկ շրջանի, որտեղ և հավաքվել էին ցուցարարները, քաղաքապետ Յասին ալ Բատատը:
Reuters-ի փոխանցմամբ՝ Բասրա քաղաքում կայունությունը կենսական նշանակություն ունի, քանի որ այն նավթի արտահանման հանգույցներից մեկն է, որը կազմում է պետական եկամուտների ավելի քան 95 տոկոսը, փոխանցում է «ՏԱՍՍ»-ը: