Մենք չենք ցանկանում կրթական համակարգը «կարկատել», մեզ միանգամայն նոր համակարգ է պետք. Երեւանում քննարկումներ են ընթանում

Հայաստանի կրթական համակարգում այսօր առկա է ոչ մեկ և ոչ էլ երկու խնդիր, դրանք չափից ավելի շատ են: Եվ այդ խնդիրները կարելի է լուծել մի քանի ճանապարհներով. անհրաժեշտ է կա՛մ ամբողջությամբ փոխել համակարգը, կա՛մ փոփոխություններ կատարել գործող համակարգում: Երկրորդ ճանապարհը չի բավարարում կրթության և գիտության նախարարությանը, քանի որ ոչ մեծ բարեոխումները նման են համակարգը «կարկատելուն»: Ելույթ ունենալով «Նոր սերունդի կրթությունը» նախաձեռնության շրջանակում տեղի ունեցած եզրափակիչ միջոցառումում՝ այս մասին ասաց կրթության և գիտության փոխնախարար Արևիկ Անապիոսյանը:

«Այսօրվա կառավարության և մեր նախարարության թիմը քաղաքական կամք ունի՝ փոխելու քաղաքականությունը, փոխելու համակարգը, և հիմա մենք ցանկանում ենք ձեր օգնությամբ և ձեր քննադատության օգնությամբ համակարգը փոխել»,- ասաց փոխնախարարը՝ դիմելով փորձագետներին:

Լրագրողների հետ զրույցում փոխնախարարը նշեց, որ կրթության և գիտության նախարարի պաշտոնում Արայիկ Հարությունյանի նշանակվելուց կարճ ժամանակ անց նրա հետ են կապվել «Թումո» Կրեատիվ տեխնոլոգիաների կենտրոնի ներկայացուցիչները և առաջարկել քննարկել հնարավոր բարեփոխումներն ու Հայաստանում կրթական համակարգի զարգացման ուղիները: Մայիսի 26-ին մեկնարկել է Մենք չենք ցանկանում կրթական համակարգը «կարկատել», մեզ միանգամայն նոր համակարգ է պետք. Երեւանում քննարկումներ են ընթանում
«Նոր սերունդի կրթությունը» նախաձեռնությունը, որի ընթացքում 7 շաբաթ կրթական ոլորտի մասնագետները և այլ շագհագրգիռ կողմեր քննարկել են Հայաստանում կրթության ապագան և կիսվել են իրենց տեսլականով, թե ինչ է կոնկրետ անհրաժեշտ անել առկա խնդիրները ուծելու համար:

Ինչպես իր հերթին նշեց «Թումո» Կրեատիվ տեխնոլոգիաների կենտրոնի տնօրեն Մարի Լու Փափազյանը, այսօր՝ հուլիսի 7-ին, եզրափակիչ միջոցառման ժամանակ նախատեսվում է ամփոփել վերջին շաբաթներին կատարված աշխատանքի արդյունքները, ընտրել ամենահետաքրքիր առաջարկները, որոնք ամսվա վերջին բարեփոխումների պատրաստի փաթեթի տեսքով հնարավոր կլինի ներկայացնել կրթության և գիտության նախարարություն: