Ղրղզստանի եւ Տաջիկստանի սահմանին բենզալցակայանում հզոր պայթյունը ոչնչացրել է 10 մեքենա եւ 2 շենք (տեսանյութ)
Ղրղզստանի Բատկեն քաղաքում բենզալցակայանում տեղի ունեցած պայթյունի հետեւանքով այրվել է 10 մեքենա եւ երկու շենք, հաղորդում է «Վեչերնի Բիշքեկը»:
Միջադեպը տեղի է ունեցել հուլիսի 4-ի երեկոյան՝ տեղական ժամանակով 20:30-ին: Պայթյունի հետեւանքով մեկ բենզալցակայանն ամբողջությամբ այրվել է, երկրորդը մասնակի, նաեւ մեկ մարդատար մեքենա, հինգ բեռնատար, երկու գազատար եւ երկու միկրոավտոբուս:
«4 մարդ է տուժել: Նրանցից 3-ը Տաջիկստանի քաղաքացիներ են, մեկը՝ ղրղզստանցի: Նա տեղափոխվել է Կուլունդու գյուղի հիվանդանոց» — ԱԻՆ-ից հայտնել են տեղական լրատվամիջոցներին: