Գլուխս դեռ պտտվում է 24-ժամյա հայաստանյան այցից. Ալեքսիս Օհանյան (լուսանկար)
Ինչպես հայտնի է Reddit ու Initialized Capital կայքի հիմնադիր Ալեքսիս Օհանյանը ժամանել էր Հայաստան։ Ալեքսիսի այցը բավակնաին կարճ է տևել՝ ընդամենը մեկ օր. նա արդեն մեկնել է, բայց խոստացել է վերադառնալ:
Օհանյանն իր Instagram-ում պարբերաբար լուսանկարներ է հրապարակում իր ճամփորդությունից և այս անգամ նա տեղադրել է օդանավակայանից մի լուսանկար, որտեղ երևում է օդանավը:
Ալեքսիսը մեկնաբանել է լուսանկարը՝ կից գրելով անգլալեզու հետևյալ գրառումը. ««Ինչպե՞ս եք դա անում»,- ամեն օր հարցնում են ինձ: Գլուխս դեռ պտտվում է 24-ժամյա հայաստանյան այցից և այդքան ժամանակ էլ՝ օդանավակայաններում՝ վերադարձի ճանապարհին անցկացնելուց հետո:
Վերոնշյալ հարցի պատասխանն է ՝ դաժան առաջնահերթություններ ու վերադասավորություններ, հրաշալի թիմ ու գործընկերներ: Եվ, իհարկե, ես անսահման սիրում եմ այն, ինչով զբաղվում եմ: Չգիտեմ, թե քանիսը կարող են անկեղծորեն այդպես ասել: Քանի որ դա ներառում է գործարարների հետ հանդիպումներ (հաճախ մինչ այն պահը, երբ որևէ այլ մարդ կհավատա նրանց ներդրումներին), դա ներառում է թիմային աշխատանք՝ կայուն բիզնես կառուցելու համար, դա ներառում է դասեր, որոնք ես քաղում եմ որպես հիմնադիր և ներդրող այն ընկերությունների համար, որոնք միլիոնավոր դոլարներ ունեն իրենց հաշվին: Մեր առաքելությունը այն է, որ ձեռնարկատիրությունը ծաղկի ողջ աշխարհում»:
Այնուհետև Ալեքսիսը խոսել է Հայաստանի մասին,կիսվել իր տպավորություններով՝ ասելով. «Վերադառնալով Հայաստանից, ես չեմ կարող մոռանալ, թե որքան են այդքան շատ մարդիկ զոհողությունների գնում, որպեսզի կարողանան իրագործել այդ ամենը: Ես պատրաստվում եմ անցկացնել կյանքս՝ հնարավորին չափ օգտագործելով այդ փորձն ու տպավորությունները: Վերադառնանք գործի»: