Յուրացում արվեստի դպրոցում. գլխավոր հաշվապահի որդին Հայաստանում չէ, բայց աշխատավարձ է ստացել
Հունիսի 25-ին ոստիկանության Կենտրոնական բաժնի ծառայողները օպերատիվ տվյալներ են ստացվել, որ Ք.Քուշնարյանի անվան արվեստի դպրոցում որպես պահակ գրանցված, 23-ամյա Նարեկ Ս.-ն 2016 թ. նոյեմբերից մինչեւ ս/թ հունիս ամիսը չի հաճախել աշխատանքի, սակայն ստացել է աշխատավարձ եւ յուրացրել այն:
Ոստիկանությունից հայտնում են, որ նյութերի նախապատրաստման ընթացքում դպրոցի տնտեսվարը բացատրություն է տվել, որ Նարեկ Ս.-ն դպրոցի գլխավոր հաշվապահի որդին է, ով 2016 թ. նոյեմբերից չի ներկայանում աշխատանքի եւ բացակայում է ՀՀ-ից:
Ոստիկանությունում նյութերի նախապատրաստման ընթացքում, դպրոցի տնօրենի կարգադրությամբ, Նարեկ Ս.-ն ազատվել է աշխատանքից:
Նախապատրաստվում են նյութեր: