Գողության համար հետախուզվող 43-ամյա կինը կամավոր ներկայացել է
«Հետախուզում-2018» օպերատիվ-կանխարգելիչ միջոցառման շրջանակներում ձեռնարկված միջոցառումների եւ անցկացված բացատրական աշխատանքների շնորհիվ, հունիսի 21-ին՝ ժամը 18.30-ին «Բագրատաշենի» սահմանային անցակետից կամավոր բաժին է ներկայացել 1975 թ. ծնված Քրիստինե Ա.-ն:
Ոստիկանությունից հայտնում են, որ նա 2017թ. նոյեմբերի 23-ից հետախուզվում էր ՀՀ քրեական օրենսգրքի 177-րդ հոդվածի 2-րդ մասի 3-րդ կետի մեղադրանքով (Գողությունը):