на Русском
Շուշիի Կանաչ ժամ եկեղեցին ավերելով՝ Ադրբեջանը... 
Մայիսի 1-ից տեսանկարահանող կամ լուսանկարահանո... 
ԶՈՒ ԳՇ նախկին պետ Մովսես Հակոբյանը կստուգվի՞ Պետական վերահսկողական ծառայության կողմից (տեսանյութ)
«Մենք ուզում ենք, որ նոր նախարարն ամբողջությամբ մաքրված անցնի գործի և մտքում չլինեն այն բոլոր մտահոգությունները, որ թիկունքում արվել են շատ-շատ խախտումներ։ Այնպես որ՝ մենք գնում ենք ոչ թե վնասելու, ինչ-որ մեկին ինչ-որ բան ապացուցելու, այլ մենք ունենք մեր ինֆորմացիան։ Մենք ուզում ենք, որ ՊՆ-ն լինի մաքուր, լինի ուժեղ, և այն մսխումները, որ եղել են, վերադարձվի բյուջե»,- այսօր կառավարության նիստից հետո լրագրողների հետ զրույցում հայտարարեց ՀՀ Պետական վերահսկողական ծառայության ղեկավար Դավիթ Սանասարյանը։
Հարցին՝ ՀՀ ԶՈՒ ԳՇ նախկին պետ, ներկայումս՝ գլխավոր ռազմական տեսուչի պաշտոնը զբաղեցնող Մովսես Հակոբյանը նո՞ւյնպես ստուգումների կենթարկվի, որովհետև նրա վերաբերյալ էլ միշտ եղել են հրապարակումներ, որ կապ է ունեցել կոռուպցիայի հետ, Սանասարյանը պատասխանեց.
«Մամուլում ինչ-որ բան գրվելն այլ է, փաստերն այլ են: Այդ ամեն ինչը մենք տեսնելու ենք։ Չկա մեկը, որի վերաբերյալ ես ունեմ կաշկանդվածություն ու քայլեր չեմ անելու: Բայց ես կարծում եմ, որ Մովսես Հակոբյանը նույնպես կօգնի մեզ՝ որպես երկար տարիներ բանակում բարձրաստիճան պաշտոններ զբաղեցրած անձ, որպեսզի գտնենք կոռուպցիոն կծիկները»:
