на Русском
Ես միշտ կկանգնեմ ձեր կողքին․ Ադամ Շիֆի տեսաու... 
Վայոց ձորի մարզում ոգեկոչվեց Հայոց մեծ եղեռնի... 
Առանց բացառության բոլոր հանգամանքները դառնալու են քննության առարկա, նաև ՊՆ-ի համապատասխան ներկայացուցիչների գործողությունները. Ա. Դավթյան
Ազգային ժողովում շարունակվում է ՀՀԿ խմբակցության պատգամավոր Մանվել Գրիգորյանի նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու մասին ՀՀ գլխավոր դատախազի միջնորդագրի քննարկումը: Հիմնական զեկուցող ՀՀ գլխավոր դատախազ Արթուր Դավթյանին դիմելով՝ «Ելք» խմբակցության պատգամավոր Էդմոն Մարուքյանը հարցրեց:
«Բացի Մանվել Գրիգորյանից այլ անձնիք կա՞ն, էլ ո՞ւմ է մեղսագրվում, և ինչո՞ւմ են մեղադրվում այլ անձինք, եթե կան, իսկ եթե չկան, ապա ինչո՞ւ չկան: ՊՆ համապատասխան պատասխանատուներին արդյո՞ք ներգրավում է նախաքննության մարմինը: Նկարագրած, ենթադրյալ հանցագործությունն այնքան ծավալուն է, որ խոսքը մեկ անձի մասին չէր կարող գնալ, բացի Մանվել Գրիգորյանին ենթակա մարդկանցից պետական ի՞նչ այլ պաշտոնյաներ կներգրավվեն գործում՝ որպես կասկածյալ կամ մեղադրյալ»,- հարցրեց Էդմոն Մարուքյանը:
Նրան հետաքրքրում էր նաև՝ արդյոք ստուգվում է իրավաչափությունը, թե ՀԿ-ներն ինչ օրենքների ու որոշումների շրջանակում են ստացել ՀՀ ԶՈւ-ի համար նախատեսված սննդամթերքը:
Ի պատասխան պատգամավորի՝ Արթուր Դավթյանն ասաց, թե Մանվել Գրիգորյանի առաջադրված մեղադրանքը նկարագրելիս նշեց այլ անուններ, որոնք գործով ձեռք բերված տվյալների համաձայն՝ մասնակցել են արարքներից մեկի՝ ապօրինի զանք բերելու հանցակազմին:
«Այդ մասով արդեն իսկ մեկ անձի նկատմամբ քրեական հետապնդում է իրականացվել, մեկ անձի նկատմամբ էլ այսօր պլանավորված է քննությամբ իրականացնել հետապնդում: Կարծում եմ՝ բոլորի համար հասկանալի է, որ մեծ ծավալների մասին է խոսքը: Սրանով է պայմանավորված, որ միջնորդության մեջ ներկայացրի, որ քննչական մարմինները 2 խումբ ստեղծեն և խմբով քննարկեն»,- ասաց Դավթյանը:
ՀՀ գլխավոր դատախազը հայտարարեց, որ գործի քննության առարկա են դառնալու բոլոր հանգամանքները. «Պարո՛ն Մարուքյան, քննության առարկա են դառնալու ձեր կողմից մատնանշվող հանգամանքները, նաև իմ կողմից տասնյակ հանգամանքներ: Ե՛վ ՊՆ-ի համապատասխան ներկայացուցիչների կողմից իրենց պարտականությունների հստակ կատարում կամ հնարավոր հանցակցությունը, և՛ համապատասխան ՀԿ-ի կանոնադրական նպատակներն ու դրանով պայմանավորված փոխգործակցությունը քննության պատշաճ առարկա կդառնան: Առանց բացառության բոլոր հանգամանքերը դառնալու են քննության առարկա»,- շարունակեց Արթուր Դավթյանը:
