Հայաստանի երիտասարդական հիմնադրամը ստանալու է այլ բովանդակություն. նախարար
Հայաստանի երիտասարդական հիմնադրամն այլ բովանդակություն ու կազմակերպական ձև կունենա: Այս մասին հայտարարել է ՀՀ կրթության և գիտության նախարար Արայիկ Հարությունյանը լրագրողների հետ ճեպազրույցում: «Գիտեք, որ ի պաշտոնե ես այնտեղ հոգաբարձուների խորհրդի անդամ եմ, հոգաբարձուներն էլ ըստ էության ձևավորում են կառավարության կողմից: Մենք պատրաստվում ենք հաջորդ շաբաթ խորհրդի նիստ կազմակերպել ու հիմնադրամի գործունեության հետ կապված որոշումներ կկայացնենք»,-ասաց նա:
«Հնարավոր է կասեցվի հիմնադրամի գործունեությունը» ճշտող հարցին՝ նախարարը ավելացրեց. «Չեմ կարծում»: Նախարարը նաև բացառեց, որ նախկինի նման բուհերը պետք է գումարներ վճարեն հիմնադրամին: