Ինչպես է Նունե Եսայանը տիրացել Ջրվեժի տանը. պարզաբանում է երգչուհին
Նունե Եսայանն այսօր ասուլիս է հրավիրել, որտեղ անդրադարձել է անվան շուրջ պտտվող խոսակցություններին և մեկնաբանել է դրանք: Երգչուհին անդրադառնալով սոցցանցերում իրեն վիրավորող օգտատերերին ասաց.
«Հարազատ մարդ 5 տարի առաջ խնդրեց, որ ես երաշխավոր կանգնեմ իրեն բանկում: Ես վստահելով՝ արեցի դա: Մի քանի ամիս վճարեց գումարները, որից հետո դադարեց դա անել: Բանկն ավտոմատ տոկոսները սկսեց գանձել իմ անձնական հաշվից, դա էլ մի քանի ամիս տևեց և ես բանկից խնդրեցի լուծում տալ խնդրին: Լուծումն էլ հետևյալն է՝ կամ տունը մնում է բանկին և վաճառում է, կամ վճարելով ամբողջ գումարը՝ գնում եմ տունը: Ես ընտրեցի երկրորդ տարբերակը, որպեսզի հարազատներս չզրկվեն տնից, այն ենթադրությամբ, որ կհատուցեն ինձ, բայց դա տևեց 5 տարի: Ես, խորհրդակցելով իրավաբաններիս հետ, որոշեցինք դիմել իրավապահներին, որպեսզի նրանք տնից դուրս գան և ես կարողանամ վաճառել այն»‚- պարզաբանել է երգչուհին և հավելել. «Իմ շուրթերից որևէ բան կլսեք պատասխան կտամ յուրաքանչյուր բառիս համար, այլապես ես պատիվ կպահանջեմ, սոցցանցերի յուրաքանչյուր օգտատեր, ով վատ բան կգրի իմ հասցեին պատժվելու է, փառք Աստծո մեր իրավունքները պաշտպանված են»:
Խոսելով «Թավշյա հեղափոխության» մասին երգչուհին նշեց, որ կողմ է յուրաքանչյուր փոփոխության, սակայն նա չի զբաղվում քաղաքականությամբ և զզվում է քաղաքականությունից. «Ես գնահատում եմ այն, ինչ կատարվեց մեր երկրում, ծափահարում եմ մեր երիտասարդներին, Փառք տանք Աստծուն, որ ամեն ինչ խաղաղ չանապարհով տեղի ունեցավ: Ես ապրում եմ Հայաստանում ու կապրեմ:
Եզրափակելով իր խոսքը Նունե Եսայանը խոսեց իր ձեռքբերումների մասին, որոնց մինչ այս չէր անդրադարձել: Նա ասաց, որ Հայաստանում ապրող միակ հայ երգչուհին է, ում մասին CNN-ը նյութ է ներկայացրել, New York Times պարբերականը նույպես երգչուհու մասին հրապարակում է արել, եւ նա առաջին հայ երգչուհին է եղել, ով երգել է Kodak թատրոնի բեմում: