Եթե ընտրել եք բողոքելու հրապարակային ձևը, հրավիրում եմ քննարկելու բոլոր հարցերը. Դավիթաշեն վարչական շրջանի ղեկավար
6 տարի Երևանի Դավթաշեն վարչական շրջանը ղեկավարող Ռուսլան Բաղդասարյանն իր մտահոգությունը հայտնել քաղաքապետարանի շուրջ ստեղծված դժգոհության մասին եւ Դավթաշենի բնակիչներին հրավիրել է հանդիպման եւ խոսելու խնդիրների մասին:
Նա facebook-ի իր էջում գրել է.
«Իմ ու իմ թիմի արած աշխատանքը ձեր աչքի առաջ է եղել։ Չեմ ուզում գնահատել, ինքներդ կարող եք գնահատական տալ՝ որքանով է մեզ մոտ ստացվել, որքանով ենք կարողացել լուծել ձեր խնդիրները։
Բայց ես ինքս էլ ավելի մեծ թիմի անդամն եմ, որի ղեկավարն է Տարոն Մարգարյանը։ Ու նրա հետ հավասար կիսում եմ պատասխանատվությունը:
Դավիթաշեն վարչական շրջանի ղեկավարի նկատառմամբ՝ եթե Երեւանի բնակիչը դժգոհ է քաղաքապետարանից, ուրեմն առաջին հերթին դժգոհ է իր վարչական շրջանի ղեկավարից՝ իր բնակության վայրի աղբահանությունից, կանաչապատումից, շինարարությունից ու մնացած բաներից։
Խնդրում եմ Դավթաշենի բնակիչներին, որոնք դժգոհ են մեր կատարած աշխատանքից, ավելի ակտիվ եկեք ամեն հինգշաբթի կազմակերպվող մեր ընդունելություններին եւ ավելի ակտիվ ու համարձակ բարձրաձայնեք ձեզ հուզող խնդիրների մասին։
Եթե ընտրել եք բողոքելու հրապարակային ձեւը, ես ձեզ հրավիրում եմ այստեղ, եկեք միասին խոսենք։
Համոզված եղեք, որ ձեզանից ոչ պակաս ենք անհանգստանում մեր քաղաքի մասին, եւ խնդիրները լավ ենք պատկերացնում»:
Նշենք, որ նախօրեին ցուցարարները մտել էին Երեւանի քաղաքապետարանի շենք եւ պահանջում էին քաղաքապետ։ Տարոն Մարգարյանի հրաժարականը: