Շաբաթվա նշանակալի իրադարձությունները՝ BBC-ի ֆոտոշարքում
Հեղինակավոր BBC հեռուստաալիքի կայքն անցնող շաբաթվա մի շարք նշանակալի իրադարձությունները պատկերող ֆոտոշարք է ներկայացրել:
1. ԱՄՆ նախագահ Դոնալդ Թրամփը կնոջ՝ Մելանյայի հետ դիմավորում է Հյուսիսային Կորեայում բանտարկությունից ազատված և հայրենիք վերադարձած քաղաքացիներին: ԿԺԴՀ իշխանությունները նրանց ազատ են արձակել որպես բարի կամքի դրսևորում նախագահների հանդիպմանն ընդառաջ:
2. Հավայան կղզներից մեկում ակտիվացել է Կիլաուելա հրաբուխը, որն ամենակտիվ գործող հրաբուխն է ողջ աշխարհում: Հրաբխի ժայթքման հետևանքով բազմաթիվ տներ են ավերվել, հազարավոր մարդիկ տարհանվել են: Այն մշտապես ժայթքում է վերջին 35 տարվա ընթացքում:
3. Երգչուհի Ռիհաննան Նյու Յորքի Մետրոպոլիտեն թանգարանի կոստյումների ինստիտուտի պարահանդեսին ներկայացել է պապական հանդերձանք հիշեցնող զգեստով և տոնական խույրով:
4. Ներգաղթյալները երաժշտություն են լսում՝ երկու օր անցկացնելով Միջերկրական ծովում գտնվող փրկարարկան նավում՝ Լիբիայի և Իտալիայի միջև: Ավելի քան 100 փախստականի թույլ են տվել ափ իջնել սիցիլիական Կատանիա քաղաքի ափերին:
5. Թագավորական հարսանիքից մեկ շաբաթ առաջ ներկայացվել է բրիտանացի արքայազն Հարիի և նրա հարսնացու Մեգան Մարքլի, ինչպես նաև Վինդզորյան ամրոցի՝ լեգոյի մասնիկներից հավաքված կերպարները:
6. Burdi Colors գունագեղ փառատոնի մասնակիցները 5 կմ երկարությամբ մրցավազքից հետո համերգ են վայելում բաց երկնքի տակ: Փառատոնն անցկացվում է ֆրանսիական Բորդո նահանգի Պեսսակ քաղաքում: