Քիմ Քարդաշյանը դժվարանում է երեք երեխաների դաստիարակության հարցում

Հանրահայտ թխահեր աստղի կրտսեր դուստրը լույս աշխարհ եկավ մի քանի ամիս առաջ՝ փոխնակ մոր օգնությամբ։ Վերջերս «Vogue» ամսագրին տված հարցազրույցում աստղը խոստովանել է, որ դժվարանում է երեք երեխաների դաստիարակության հարցում։ Չնայած բազմաթիվ օգնականների և դայակների առկայությանը՝ Քիմը պատմել է, որ չի հասցնում դաստիարակել փոքրիկներին։ Բացի այդ, նա ընկճվում է, երբ երեքը միասին իրենից ուշադրություն են պահանջում։

«Նրանք զուգահեռ լաց են լինում։ Ես չեմ կարողանում մի քանի կես լինել։

Յուրաքանչյուրին ջերմություն և մայրական սեր է անհրաժեշտ։ Բայց ֆիզիկապես ես չեմ կարողանում ամեն մեկին առանձին ուշադրություն հատկացնել»,– պատմել է բազմազավակ մայրը։ Նա նաև ասել է, որ հաճախ է լաց լինում, քանի որ իրեն անարժան մայր է զգում իր զավակների համար։ Այնուամենայնիվ, աստղը փորձում է նաև մայրության դրական կողմերը տեսնել։ Օրինակ, նա անկեղծորեն ուրախանում է, երբ երեխաներն իրեն սեր են խոստովանում։ Ի դեպ, վերջերս Քանյե Վեսթը հայտարարել էր, որ կնոջ ուշադրության պակասն ունի։

Այժմ երաժիշտը նոր ալբոմ է ձայնագրում, այդ պատճառով ժամանակավորապես բնակվում է Նյու Յորքում։ Քիմը պատմել է, որ դժգոհ է ամուսնու բացակայությունից, քանի որ այժմ բոլոր կենցաղային խնդիրներն արդեն իր նուրբ ուսերի վրա են ընկել։ Այնուամենայնիվ, աստղի քույրերն ու մայրն ամեն կերպ աջակցում են նրան։