на Русском
Վնասներ Երևանում՝ քամու հետևանքով
Լարված իրավիճակ Կիրանց, Բաղանիս և Ոսկեպար գյո... 
Հայկական հեղափոխությունը «մտնում է» Թուրքիա. «Հերթը մերն է»
Թուրքիայում թափ է հավաքում «Թամամ» («Հերիք է») շարժումը Ռեջեբ Թայիփ Էրդողանի կառավարման հերթական ժամկետի դեմ: Հունիսի 24-ին Թուրքիայում արտահերթ նախագահական եւ խորհրդարանական ընտրություններ են տեղի ունենալու, եւ արդեն առաջադրված թեկնածուներ կան:
Քրդամետ «Ժողովուրդների դեմոկրատիա» կուսակցության փոխնախագահ Գարո Փայլանը Թվիթերի իր էջում գրել է. «Հայ ժողովուրդը հաղթեց ժողովրդավարության համար պայքարում: Շնորհավորում եմ: Հերթը մերն է»:
Հանրապետական ժողովրդական կուսակցության պատգամավոր Սելինա Դողանն էլ նշել է. «Հայաստանում տեղի են ունենում զարգացումներ, որոնք կանցնեն համաշխարհային ժողովրդավարության պատմության մեջ: Փոփոխության և ժողովրդավարության՝ ժողովրդի պահանջի դիմաց որևէ ուժ չի կարող կանգ առնել: Շնորհավոր այս պահանջի համար պայքարի առաջնորդների և ժողովրդի հաղթանակը»։
«Թամամ» շարժումը կարող է տարածվել ամբողջ երկրում եւ դրան կարող են միանալ ընդդիմադիր թուրքական կուսակցությունները: Եթե դրան ավելացնենք Էրդողանի հակառակորդների խարիզման, կարելի է ենթադրել, որ Էրդողանի համար հաղթանակի հասնելը դժվար է լինելու անգամ արտակարգ դրության պայմաններում:
Եվրախորհրդարանն արդեն պաշտոնապես հայտարարել է, որ արտակարգ դրության պայմաններում Թուրքիայում ընտրությունները չեն կարող արդար լինել: ԱՄՆ Կոնգրեսում էլ օրինագիծ է ներկայացվել, որով առաջարկվում է ժամանակավոր արգելել ամերիկյան զենքի վաճառքը Թուրքիային: Դա կապված է Ռուսաստանից C400 համալիրներ գնելու Թուրքիայի մտադրության հետ:
Էրդողանի հակառակորդները պայքարի նոր մեթոդներ են կիրառում, ինչպես վերջերս Հայաստանում եղավ: Օրինակ, հայտնի բլոգեր Մուհարրեմ Ինջեն օնլայն արշավ է տանում, որի հիմքում սուննիզմի քարոզչության դեմ պայքարն է: Քանի որ թուրք է համարվում «թյուրքալեզու սուննին», Ինջեի գաղափարախոսությունը նպատակաուղղված հարված է ներկայիս թուրքական իշխանության հիմքերին:
