на Русском
Փաստաբան Վահան Հովհաննիսյանի ահազանգի հիման վ... 
Հենրի Քավիլն առաջին անգամ հայր կդառնա
ՀՀԿ-ից արտահոսք չկա, մենք միասնական ենք մեր որոշումների մեջ.Վահրամ Բաղդասարյան
Հայաստանի Հանրապետական կուսակցությունից արտահոսք չկա: Նման սուտ տեղեկություններ առաջին անգամ չէ, որ փորձ է արվում տարածել: Այս մասին Tert.am-ի հետ զրույցում ասաց ԱԺ ՀՀԿ խմբակցության ղեկավար Վահրամ Բաղդասարյանը՝ որակելով նման լուրերը ստահոդ և նշելով, որ դա միտումնավոր է արվում:
«Այդ ստահոդ լուրերը միտումնավոր արված հայտարարություններն են, որպեսզի խարխլեն ՀՀԿ-ի ամրակուռ լինելն ու միասնականությունը: Դա անհնարարին է, որովհետև ՀՀԿ խմբակցությունը միասնական է իր որոշումների մեջ, չկա որևէ նմանատիպ միտք կամ տատանում որևէ մեկի մոտ: Հորդորում եմ հանրությանը չհավատալ նման հայտարարություններին»,- ասաց նա:
Ինչ վերաբերում է հարցին՝արդյոք ՀՀԿ-ում մտահոգություններ կան՝ պայմանավորված ներքաղաքական իրավիճակներով, ՀՀԿ խմբակցության ղեկավարն ասաց, թե նման երևույթների ժամանակ ՀՀ յուրաքանչյուր քաղաքացու մոտ է այդ մտահոգությունն առկա:
Միևնույն ժամանակ ընդգծեց, որ ՀՀԿ-ում առողջ աշխատանքային մթնոլորտ է:
«Մեզ մոտ աշխատանքային մթնոլորտ է, չկա որևէ խուճապ: ՀՀԿ խմբակցության անդամները ցանկացած ժամի էլ գործի ու աշխատանքային գործընթացի մեջ են, զանգի դեպքում հավաքվում են ու քննարկում իրականացում»,- եզրափակեց Վահրամ Բաղդասարյանը:
