Հանրապետության տարբեր համայնքներում և Երևանում շարունակվում են բողոքի ցույցերը. հոծ բազմություններով մարդիկ Երևան են գալիս (ուղիղ)
Շարժման կազմակերպիչներ՝ ԱԺ երեք պատգամավորներին ձերբակալելուց հետո բողոքի ակցիաները քաղաքի տարբեր հատվածներում և մարզերում ավելի բազմամարդ են դարձել։
Քաղաքի տարբեր հատվածներից երթերով շարժվում են մարդիկ։ Երթերով շարժվում են նաև հանրապետության այլ մարզերից ու քաղաքներից։ Մասնավորապես բավական բազմամարդ բողոքի ցույց է մեկնարկել Վանաձորում։
Ստեփանավան քաղաքում ևս բավական բազմամարդ ցույցեր են մեկնարկել։
Բազմամարդ երթով Երևան են ժամանում Չարենցավանից, Նոր Հաճնից։ Ցուցարարները հասել են «չայնի» կոչվող հատվածը և քայլելով գալիս են Երևան։
Գյումրիի Արթիկ, Գեղանիստ, Փանիկ, Մանթաշ, Պեմզաշեն համայնքներում ևս մեծ բազմություն է հավաքվել, որոնց նույնպես ոստիկանները թույլ չեն տալիս գալ Երևան։
Իսկ Երևանում շարունակվում է բազմամարդ երթը դեպի Հանրապետության հրապարակ: