Նիկոլ Փաշինյանի ելույթը Հանրապետության հրապարակում. երթի փոխարեն այսօր համերգ կլինի (ուղիղ)
Քիչ առաջ Հանրապետության հրապարակում ելույթ ունեցավ Նիկոլ Փաշինյանը:
Ամեն նոր օր գալիս է ապացուցելու, որ ՀՀ -ում սկսած ոչ բռնի, «թավշյա հեղափոխության» հաղթանակն անխուսափելի է: Նա հիշեցրեց, որ այսօր իր երթը սկսել է Մասիվի 7-րդ զանգվածից, որի ժամանակն էլ ապշել է ստեղծված իրավիճակից:
« Ես ուղիղ եթերում դիմեցի քաղաքացիներին, և ընդամենը 20 րոպեում քաղաքացիները 4-5 կողմից փակեցին մոտակա բոլոր ճանապարհները: Տեղի ունեցավ աներևակայելի բան՝ առաջին անգամ շենքերից ու պատուհաններից նայող չկար: Հասկացա, որ բոլորը մասնակցում էիր մեր երթին»,- ասաց նա:
Խոսելով այսօր իրեն բերման ենթարկելու փորձի մասին, նա ասաց, որ իրեն ձերբակելով ոչինչ չի փոխվելու և իր խոսքն ուղղեց Պարոն Կուտոյանին, Վլադիմիր Գասպարյանին, Վիգեն Սարգսյանին:
«Երբ այսօր փորձում էիք ինձ բերման ենթարկել, Մեղրիի, Նոյեմբերյանի, Մասիվի ճանապարհները փակվեցին, Բագրատաշենի անցակետը, Զվարթնոց օդանավակայանը փակվեցին։ Սթափվեք, ժողովուրդ ջան, սթափվեք։ Ինչ վերաբերում է քաղաքում մեքենաների ջարդուփշուր անելուն, ապա ուզում եմ ասել` ինչ լինում է, ժեշտին լինի. մեր քաղաքի դզող-փչողներից էին եկել ու ասում էին, որ այդ մեքենաները իրենք կսարքեն։ Սփյուռքում դրամահավաքություն է կազմակերպվում, հասկացեք` դա ձեր ծախսը չէ, դա ժողովրդի, պետության ու այս շարժման ծախսն է ու այդտեղ թեմա չկա։ Էլ չեմ ասում, որ շուտով իշխանափոխություն է ու պետական բյուջեից այդ բոլորը ծախսերը կփակենք»:
Նիկոլ Փաշինյանն իր ելույթում ներկայացրեց նաև այսօր ՀՀ նախագահ Արմեն Սարգսյանի հետ ունեցած զրույցը: Նրա խոսքով՝ Արմեն Սարգսյանը բանակցությունների կոչ է արել, որին ի պատասխան ինքն ասել է, որ ժողովուրդը երեկ տվել է վարչապետ Սերժ Սարգսյանի հետ բանակցելու հորդորի պատասխանը և ասել, որ ուշ է:
Նիկոլ Փաշինյանը, խոսելով վաղվա անլիքների մասին, ասաց, որ վաղը կսկսեն Էրեբունի համայնքից՝ ժամը 11-ին: Այսօր երթի փոխարեն ցուցարարների համար համերգ կլինի։