Լրագրողի գործունեությունը խոչընդոտելու դեպքի վերաբերյալ Գլխավոր դատախազությունը հանձնարարական է տվել Քննչական կոմիտեին (Տեսանյութ)
«Ազատություն» ռադիոկայանի թղթակից Արուս Հակոբյանի մասնագիտական լրագրողական գործունեությունը խոչընդոտելու, նրա նկատմամբ բռնություն կիրառելու դեպքի վերաբերյալ ՀՀ գլխավոր դատախազություն է ստացվել «Ազատություն» ռադիոկայանի ներկայացուցչի հաղորդումը:
Գլխավոր դատախազի խորհրդական Գոռ Աբրահամյանը տեղեկացնում է, որ ՀՀ գլխավոր դատախազությունն անմիջապես այդ հրապարակումները և հաղորդումն ուղարկել է ՀՀ քննչական կոմիտե՝ դրանցում ներկայացված հանգամանքներն ստուգելու և ՀՀ քրեական դատավարության 180-181-րդ հոդվածներով սահմանված կարգով նյութեր նախապատրաստելու նպատակով;