Հիմա կսկսի շուստրի ու ջոգող «տղերքի» առնետավազքը՝ ընդհատակյա և բացահայտ, եթե արդեն չի սկսել՝ 2008-ի նման

Հիմա կսկսի շուստրի ու ջոգող «տղերքի» առնետավազքը՝ ընդհատակյա և բացահայտ,Եթե արդեն չի սկսել՝ 2008-ի նման:

Իշանությունները ոչ նախկինների շնորհավորանքներից պետք է ուրախանան և ոչ էլ լռությունից, և որոշների «ընդդիմադիր» չեզոքությունից: Նրանց համար ինչքան վատ՝ այնքան լավ: Եվ նրանք էլ են «տակից» աշխատում՝ ջանադրաբար: Իսկ առնետազգիները շատ են մեզանում, ու միշտ են եղել՝ դարերի խորքից առայսօր, խորհրդային կարգերի տապալման, մյուս իշխանությունների օրոք: 

Իշխանությունների համար դանդաղ գործողության ռումբ կամ ականապատված դաշտ է նաև նախկին բոլոր իշխանությունների ժամանակ ծվարած, մշատպես գոյատևող, վայելող և լուռ, մարաղ մտած ամեն ինչին հետևող ու չխառնվող սեգմենտը: Նրանք նման են հայտնի՝«Հարսանիքը Մալինովկայում» ֆիլմի բիձուկին: Շատ արագ փոխում են գլխարկը: Նրանց գրպանում մի քանի գլխարկ կա, ցանկացած իշխանության համար: Նրանք բավականին հմտացած են այդ գործում:

Հետաքրքիրն այն է, որ շատերին թվում, թե իրենք շուտով բոլորը նախարարներ ու ղեկավարներ են դառնալու, հայտնվելու են խավիարի ու մեղրի տակառներում:

Իսկ երազախաբն անխուսափելի է լինելու, կյանքն իր օրենքներն ունի և հիշեք բոլոր հեղափոխությունները, հեղաշրջումները, ապստամբությունները` դրանց զուգորդված ջարդերը, սպանությունները, զոհերը, կորուստները, աղքատությունը, հետընթացը մի քանի տարով: Հեղափոխությունը կազմակերպողները միշտ ժողովրդահաճո, հրապուրիչ պաստառներով, առինքնող կարգախոսերով, բարձրանալով ամբոխի ուսերին օգտվում են այդ բարիքներից: Իսկ հետո այդ կազմակերպիչներն են սկսում թալանել և պայքարել միմյանց դեմ, բաժանվել իրարից ու թշնամանալ: Իսկ պայքարող ակտիվիստներին մնում է միջնամատը, հիասթափությունն ու կոտրած տաշտակը: Հեռու մի գնացեք հիշեք ՀՀՇ-ին և նույնատիպ ակտիվիստների սիգնալները, գոռոցները և էյֆորիան:

Իսկ փոփոխություններ մեզ պետք են և իշխանությունները պետք է վերջապես գիտակցեն: Բարեփոխումներ են պետք, համագործակցություն բոլոր ուժերի հետ և ոչ թե հեղափոխություններ: Իսկ հեղափոխությունը հեղափոխություն է, այն երբեք թավշյա չի լինում:

Ռոբերտ Մելքոնյան. Ֆեյսբուք: