«Հայաստանցիների 27.3 տոկոսը ցանկանում է վարչապետի պաշտոնում տեսնել Կարեն Կարապետյանին, 24.8 տոկոսը՝ Սերժ Սարգսյանին». Gallup
«Gallup International» ասոցիացիայի Հայաստանում լիիրավ անդամ MPG ՍՊԸ-ն 2018 թվականի մարտի 22-30-ն իրականացրել է սոցիալական հետազոտություն ՀՀ ողջ տարածքում: Հարցումներին մասնակցել է 1120 մարդ: Հարցման շրջանակներում մարդկանց հղել են նաև հետևյալ հարցը.
«Համաձայն ՀՀ նոր սահմանադրության՝ վարչապետի դերակատարումը ունի առավել ﬔծ կարևորություն, հաշվի առնելով վերոնշյալը՝ Հանրապետական կուսակցության հնարավոր թեկնածուներից ո՞ւմ կուզենայիք տեսնել ՀՀ վարչապետի պաշտոնում 2018 թվականի ապրիլի 9-ից հետո»: Հարցվածների 27.3 տոկոսը պատասխանել է, որ այդ պաշտոնում կցանկանար տեսել գործող վարչապետ Կարեն Կարապետյանին, 24.8 տոկոսը՝ գործող նախագահ Սերժ Սարգսյանին, 8.6 տոկոսը՝ Պաշտպանության նախարար Վիգեն Սարգսյանին, իսկ 17.2 տոկոսը պատասխանել է, որ ոչ մեկին չէր ցանկանա տեսնել ՀՀ վարչապետի պաշտոնում: